နှင်းခါးခြေရာ
ဘ၀တစ်ခုလုံး
ပုံအပ် ပစ်လိုက်တာ
မလုံလောက်ဘူးဆိုရင်
နှင်းရယ် ...
မဝေပါနဲ့လား
မကြွေပါနဲ့လား
မျှော်လင့်ချက်တွေ
ပျက်သုဉ်းခဲ့တာတောင်
နှင်းရဲ့ ခြေရာ
ကောက်မိနေတုန်းပဲ
လေပြည်ဆိုလည်း .... နှင်း
မရေရာတာလည်း ....နှင်း
သစ်ပုတ်ပင်ကြီးလည်း
နှင်းရဲ့ အငွေ့အသက်တွေ မရတော့
ရော်ရီလို့ ညှိုးခြောက်
နှင်းရယ် ....
ဖေဖော်ဝါရီဆို
R.C ကို လွမ်းတယ်
ကမ်တင်း နဲ့ ဦးချစ်ကို လွမ်းတယ်
အင်းလျားက ခုံတန်းပြာနဲ့
လှိုင်းကြက်ခွပ်လေးတွေကို
လွမ်းတယ်
နှင်းပြန်လာမယ့် တစ်နေ့
အဓိပတိလမ်းမှာ
နှင်းရဲ့ ခြေရာတွေ
ချန်ထားရစ်ခဲ့ပါ
အကြင်နာတွေနဲ့
နှင်းရယ် ...
သက္ကရာဇ်တွေ ပြိုကျခဲ့တာတောင်
ငါ့ရင်ထဲ နှင်းခါးရဲ့ခြေရာတွေ
မျှော်လင့်နေတုန်းပဲ ။ ။
မောင်ရဲမင်း (ပဲခူး)
ဖူးငုံ မဂ္ဂဇင်း (ဇွန်လ ၂၀၁၂)
စာပွင့်လွှာမဂ္ဂဇင်း (ဖေဖော်ဝါရီ ၂၀၁၃ )
No comments:
Post a Comment
ဝေဖန်မှု့ကို ကြိုဆိုပါတယ်